2022 жылғы 20-22 қазанда заң ғылымдарының докторы, профессор, Қазақстан Республикасының Жоғары мектебі академиясының академигі, Қазақстан Республикасының Еңбек сіңірген қайраткері Өмірәлі Шәкәрапұлы Жалаиридің 80 жылдық мерейтойына арналған «Жаңа Қазақстанды құру: саяси-құқықтық, экономикалық және әлеуметтік-мәдени негіздер» тақырыбындағы халықаралық ғылыми-практикалық конференция өтті.
Мерейтой иесіне арнап Қазақстан Республикасының Заңнама және құқықтық ақпарат институтының директоры, Қазақстанның еңбек сіңірген қайраткері, заң ғылымдарының кандидаты Рамазан Құмарбекұлы Сәрпеков құттықтау сөзін сөйледі. Өз сөзінде Р.Қ. Сәрпеков Ө.Ш. Жалаиридің көрнекті ғалым ретіндегі ғылымдағы және Қазақстанда және одан тыс жерлерде танымал жеке университетті құрудағы үлкен жетістіктерін атап өтті. Институт директоры Қазақстан Республикасының Әділет министрі Қанат Сергейұлы Мусиннің мерейтой иесіне құттықтау адресін жариялап, «Әділет органдары жүйесін дамытуға қосқан үлесі үшін» медалін, сондай-ақ Қазақстан Республикасының Заңнама және құқықтық ақпарат институты атынан құттықтау адресімен бірге Әділет министрлігі хабаршысы журналының мерейтой иесін ұлықтауға арналған арнайы шығарылымының данасын табыс етті. Бұған дейін Ө.Ш. Жалаириге Институттың Ғылыми кеңесінің шешімімен «Қазақстан Республикасы Заңнама және құқықтық ақпарат институтының Құрметті профессоры» атағы берілген болатын.
Конференция барысында мемлекеттің Негізгі заңының әлеуеті мен Қазақстандағы конституциялық-құқықтық реформаны іске асырудың саяси-құқықтық аспектілері қарастырылды. Сондай-ақ, конференцияға қатысушылардың назарына профессор Ө.Ш. Жалаиридің Қазақстанда конституционализмді қалыптастыру және дамыту мәселелері бойынша саяси-құқықтық көзқарастары ұсынылды.
Іс-шараға Польша, Германия, Ресей Федерациясы, Өзбекстан, Қырғызстан және Тәжікстан сияқты елдердің ғалымдары, мемлекеттік органдары мен ғылыми ұйымдарының, жоғары оқу орындарының өкілдері қатысты.
Құрметті мерейтой иегері және ғылым докторы, профессор, ҚР ҰҒА академигі М.К. Сүлейменовпен.
Қазақстандық ғарышкер, Халық қаһарманы, Қазақстанның Әскери әуе күштерінің генерал-майоры, «Қазақстан Ғарыш Сапары» ҰК» АҚ Басқарма төрағасы А.А. Айымбетовпен.
Мәслихаттың 7-ші сайланымдағы депутаты, доцент, заң ғылымдарының магистрі, Д.А. Қонаев атындағы колледж директоры, Қазақстан Республикасының Білім беру ісінің құрметті қызметкері Р.Ч. Бөлекбаевамен.
